अंबड- मस्त्योदरी शिक्षण संस्था ही जालना जिल्ह्यातील शैक्षणिकदृष्ट्या पुढारलेली संस्था असून या संस्थेच्या अंबड येथील  महाविद्यालयात विज्ञान भवन या इमारतीवर चढून एका १९ वर्षीय तरुणाने आत्महत्येचा प्रयत्न केला आहे.

 शिक्षण क्षेत्रात आपला उल्लेखनीय ठसा उमटवणाऱ्या मत्स्योदरी शिक्षण संस्थेच्या अंबड येथील महाविद्यालयात एका १९ वर्षीय तरुणाने शोले स्टाईल आत्महत्या करण्याचा प्रयत्न केल्याची घटना सोमवारी दुपारी घडली आहे. महाविद्यालयाच्या विज्ञान भवन या इमारतीवर चढून या तरुणाने उडी खाण्याचा प्रयत्न केला. वेळीच पोलिसांनी घटनासथळी पोहचून तरुणाला आत्महत्या करण्यापासून रोखले. पोलिसांनी त्याला ताब्यात घेतले असून, या तरुणाला त्याच्या वागणुकीच्या कारणावरून महाविद्यालयाने काढून टाकले असल्याचे समजते. काही दिवसांपूर्वी याच तरुणाने महाविद्यालयातील एका प्राध्यापकाच्या घरासमोर जाऊन स्वतःच्या हातावर ब्लेड मारून घेतल्या होत्या. तर विद्यार्थ्यांमध्ये त्याने आत्महत्येचे पाऊल प्रेमप्रकरणातून उचलले असल्याची पण चर्चा आहे. मात्र युवकाच्या या प्रयत्नामागील खरे कारण अजूनही गुलदस्त्यातच आहे.